தமிழ் சினிமாவில் பிரபலமான இயக்குனராக வலம் வரும் மணிரத்தினம் கல்கியின் புகழ் பெற்ற பொன்னியின் செல்வன் நாவலை 2 பாகங்களாக இயக்கியுள்ளார். இதன் முதல் பாகம் தயாராகி வருகிற செப்டம்பர் 30-ஆம் தேதி திரையரங்குகளில் ரிலீஸ் ஆகிறது. இந்த படத்தில் நடிகர்கள் ஜெயம் ரவி, விக்ரம், கார்த்தி, ரகுமான், சரத்குமார், பார்த்திபன், ஜெயராமன், நடிகைகள் திரிஷா, ஐஸ்வர்யா ராய் உள்ளிட்ட பலர் முக்கிய வேடங்களில் நடித்துள்ளனர்.
ஏ.ஆர் ரகுமான் இசையமைத்துள்ள, பொன்னியின் செல்வன் படத்தின் டிரைலர் சமீபத்தில் வெளியாகி நல்ல வரவேற்பை பெற்றது. இந்த படத்தின் ப்ரோமோஷன் வேலைகளில் பட குழுவினர் தற்போது தீவிரமாக ஈடுபட்டுள்ளனர். இந்நிலையில் பொன்னியின் செல்வன் படத்திலிருந்து ஒரு புதிய பாடலின் லிரிக்கல் வீடியோவை தற்போது படகுழுவினர் வெளியிட்டுள்ளனர். அதாவது தேவராளன் ஆட்டம் என்ற பாடலின் லிரிக்கல் வீடியோ இணையத்தில் வெளியாகியுள்ளது. இப்பாடல் சமூக வலைதளங்களில் ரசிகர்களின் கவனத்தை ஈர்த்து வைரலாகி வருகிறது.