தமிழ் சினிமாவில் முன்னணி நடிகராக வலம் வருபவர் அஜித். இவர் தனக்கென்று தனி ரசிகர் பட்டாளத்தை உருவாக்கி உள்ளார். இவர் நடிப்பில் கடைசியாக வெளியான “வலிமை” திரைப்படம் ரசிகர்கள் மத்தியில் வரவேற்பைப் பெற்று வசூலை குவித்தது. இந்நிலையில் தனது அடுத்தப்படமான AK61 படத்திற்காக மீண்டும் இயக்குனர் வினோத் மற்றும் இயக்குனர் போனி கபூருடன் இணைந்துள்ளார். இந்த படத்தில் அஜித்துக்கு ஜோடியாக பிரபல மலையாள நடிகை மஞ்சுவாரியர் நடிக்கிறார். இந்த படத்தின் படப்பிடிப்பு அடுத்த வாரத்தில் பூனேவில் தொடங்கும் என்று கூறப்படுகிறது.
இதற்கிடையில் பைக் லவரான நடிகர் அஜித் உலகம் முழுவதும் பைக்கில் சுற்றுலா செல்ல உள்ளதாக கடந்த சில மாதங்களுக்கு முன்பே தகவல் வெளியானது. இதற்காக பயணியான மாரால் யாசர்லூவை கடந்த ஆண்டு வலிமை படத்தின் படப்பிடிப்பின் போது நடிகர் அஜித் சந்தித்து ஆலோசனைகளை பெற்றார். இந்நிலையில் நடிகர் அஜித் தற்போது இங்கிலாந்து மற்றும் ஐரோப்பா முழுதும் மோட்டார் சைக்கிளில் சுற்றி பயணத்தில் இருப்பதாக தெரிகிறது. அஜித்குமார் பைக்கில் செல்லும் புகைப்படங்களும், சகர் ரைடர்களும் இணையத்தில் வைரலாகி வருகின்றன. இந்த பயணத்தில் அஜித்குமார் தனக்கு பிடித்த பைக் நிறுவனமான பிஎம்டபிள்யூ நிறுவனம் பயன்படுத்தி வருகிறார்.