சென்னை மெரினாவில் படகு சவாரி தொடங்கப்படும் என்று அமைச்சர் மதிவேந்தன் கூறியுள்ளார்.
தமிழக சட்டப்பேரவையில் சுற்றுலாத்துறை அமைச்சர் மதிவேந்தன் பல்வேறு அறிவிப்புகளை வெளியிட்டுள்ளார்.. அவர் வெளியிட்டுள்ள அறிவிப்பில், பொன்விழா கொண்டாடும் தமிழ்நாடு சுற்றுலா வளர்ச்சிக் கழகத்தினை மறுசீரமைக்க திட்ட ஆலோசகரின் அறிக்கை பெறப்பட்டு நடைமுறைப்படுத்தப்படும். சென்னை மெரினாவில் ராயல் மெட்ராஸ் யாக்ட் கிளப் உடன் இணைந்து படகு சவாரி தொடங்க நடவடிக்கை எடுக்கப்படும்.. முட்டுக்காடு படகு இல்லத்தில் மிதவை படகுடன் கூடிய உணவகம் அமைக்கப்படும்..
ஜவ்வாது மலைப்பகுதி பல்வேறு வசதிகளுடன் கூடிய சுற்றுலாத்தலமாக மேம்படுத்தப்படும். தருமபுரி மாவட்டத்தில் ஒகேனக்கல் சுற்றுலாத் தளம் பல்வேறு வசதிகளுடன் மேம்படுத்தப்படும். ராமேஸ்வரம் – கன்னியாகுமரி இடையே சொகுசு கப்பல் படகு சேவை தொடங்குவது பற்றி ஆய்வு செய்யப்படும். கன்னியாகுமரியில் உள்ள திருவள்ளுவர் சிலை இரவில் கண்டுகளிக்கும்படி ஒளியூட்டப்படும் என்று அவர் கூறியுள்ளார்.