ஐரோப்பிய ஒன்றியத்தில் உக்ரேன் நாடு இணைவது தொடர்பான விண்ணப்பத்தை அதிபர் ஜெலன்ஸ்கி ஐரோப்பிய ஒன்றிய தூதரிடம் ஒப்படைத்துள்ளார்.
உக்ரைன் ரஷ்யா இடையிலான போரின் காரணமாக ஐரோப்பிய ஒன்றிய கூட்டமைப்பில் இணைவதற்கான முதற்கட்ட விண்ணப்பத்தை உக்ரைன் நாடு வெற்றிகரமாக நிறைவு செய்துள்ளது. இதனை அடுத்து நேற்று ஐரோப்பிய ஒன்றியத்தின் உறுப்பினருக்கான விண்ணப்பம் தொடர்பான கேள்விகளுக்கு ஏற்ற பதில்களை பூர்த்தி செய்து அதனை ஐரோப்பிய ஒன்றிய தூதர் மட்டி மாசிக்காசிடம் உக்ரைன் அதிபர் ஜெலன்ஸ்கி அளித்துள்ளார்.
இதுவே ஐரோப்பிய ஒன்றியத்தில் உக்ரைனை உறுப்பினராக இணைப்பது குறித்து முடிவு எடுப்பதற்கான தொடக்கப் புள்ளியாக இருக்கும் என்று எதிர்பார்க்கப்படுகிறது. இந்நிலையில் பொதுவாக ஐரோப்பிய யூனியனில் ஒரு நாடு உறுப்பினராக வேண்டும் என்றால் ஒன்றியத்தில் உள்ள 27 உறுப்பு நாடுகளிடமும் தனித்தனியாக அனுமதி பெறுவது எளிதானதல்ல. ஆனால் கடந்த ஏப்ரல் மாதம் உக்ரேன் நாட்டிற்கு வருகை புரிந்த ஐரோப்பிய ஒன்றிய தலைவர் Ursula von der Leyen ஐரோப்பிய ஒன்றியத்தில் உக்ரைன் நாட்டை உறுப்பினராக்கும் பணிகளை வழக்கத்தை விட அதிவேகப்படுத்துவதாக உறுதியளித்தார்.