தளபதி விஜயின் 68-வது படம் குறித்த புதிய தகவல் வெளியாகியுள்ளது.
தமிழ் சினிமாவில் உச்ச நட்சத்திரமாக ஜொலிக்கும் தளபதி விஜய் நடிப்பில் சமீபத்தில் பீஸ்ட் திரைப்படம் கலவையான விமர்சனங்களை பெற்றாலும் வசூல் ரீதியாக வெற்றி பெற்றது. இந்த படத்திற்கு பிறகு தளபதி விஜய் தற்போது வம்சி இயக்கத்தில் வாரிசு என்ற திரைப்படத்தில் நடித்து வருகிறார். இந்தப் படத்தில் நடிகை ராஷ்மிகா மந்தனா ஹீரோயின் ஆக நடிக்க, குஷ்பூ, பிரகாஷ் ராஜ், சரத்குமார், சாம், யோகி பாபு உள்ளிட்டோர் முக்கிய வேடங்களில் நடிக்கின்றனர். இந்த படத்தின் படப்பிடிப்பு சென்னை மற்றும் ஹைதராபாத் ஆகிய இடங்களில் விறுவிறுப்பாக நடைபெற்றுக் கொண்டிருக்கிறது. இதனையடுத்து நடிகர் விஜய்யின் அடுத்த படமான தளபதி 67 திரைப்படத்தை இயக்குனர் லோகேஷ் கனகராஜ் இயக்க இருக்கிறார்.
இந்த படம் தொடங்குவதற்கு முன்பாகவே ரசிகர்கள் மத்தியில் பலத்த எதிர்பார்ப்பை ஏற்படுத்தியுள்ளது. இந்த படத்தை தொடர்ந்து தளபதி விஜய் துள்ளாத மனமும் துள்ளும், ஷாஜகான், லவ் டுடே, திருப்பாச்சி மற்றும் ஜில்லா போன்ற படங்களை தயாரித்த சூப்பர் குட் பிலிம்ஸ் நிறுவனத்தின் 100-வது படத்தில் நடிக்க இருப்பதாகவும் அதற்கான பேச்சுவார்த்தைகள் தற்போது நடைபெற்றுக் கொண்டிருப்பதாகவும் ஒரு தகவல் வெளியாகியுள்ளது. இந்த படத்தில் பிரெண்ட்ஸ் படத்தில் தளபதி விஜய் உடன் சேர்ந்து நடித்த நடிகர் ஜீவாவும் இணையவுள்ளதாக கூறப்படுகிறது. மேலும் இதுகுறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
