நடிகர் ரஜினியின் அடுத்த படத்தின் தலைப்பு வெளியான நிலையில் ட்விட்டர் பக்கத்தில் ரசிகர்கள் கொண்டாடி வருகின்றனர்.
தமிழ் திரையுலகில் சூப்பர் ஸ்டாராக வலம் வரும் ரஜினிகாந்த் நடிக்கும் 169-வது திரைப்படத்திற்கு ஜெயிலர் என்று தலைப்பு வைக்கப்பட்டுள்ளது. இந்த படத்தின் தலைப்பு வெளியான நிலையில் ரசிகர்கள் ட்விட்டர் பக்கத்தில் அதைக் கொண்டாடி வருகின்றனர். இந்நிலையில் ஜெயிலர் போஸ்டரில் ஒரு கத்தியில் ரத்தம் சொட்ட சொட்ட இருக்கிறது.
இதைப்பார்த்த ரசிகர்கள் படம் அதிரடியாக இருக்கும் என்று கருத்து தெரிவித்துள்ளனர். இதனையடுத்து தலைவர், ரஜினிகாந்த், சூப்பர் ஸ்டார் போன்ற ஹேஸ்டேக்குகளை பயன்படுத்தி தலைவரோட வெப்பன்ச பார்த்தாலே ஃபயர் ஏறுது, போஸ்டரிலேயே பயங்கர வயலேன்ஸ்டோய் என்று குறிப்பிட்டுள்ளனர். அதன்பிறகு சில ரசிகர்கள் செம மாஸா இருக்கு, ஒரு சம்பவம் இருக்கு, படத்தைப் பார்த்தால் திரையரங்கமே மிரளும் போன்ற பல கருத்துகளை ட்விட்டரில் தெறிக்கவிட்டுள்ளனர்.