தமிழகத்தில் நடிகர் ரஜினி அரசியலுக்கு வராவிட்டால் சூரிய உதயம் நிறுத்தப்படும் என சிவனடியார் சிவ சக்தி அருணகிரி கூறியுள்ளார்.
தமிழகத்தில் மிக விரைவில் சட்டமன்ற தேர்தல் நடைபெற உள்ளது. அதனால் அனைத்துக் கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது.ஒவ்வொரு கட்சியினரும் தங்கள் எதிர்க்கட்சியினர் கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது.
இதற்கு மத்தியில் சொத்துக்குவிப்பு வழக்கில் சிறை தண்டனை அனுபவித்து கொண்டிருந்த சசிகலா கடந்த ஜனவரி 27-ஆம் தேதி விடுதலையானார். அதன்பிறகு பிப்ரவரி 8-ஆம் தேதி தமிழகம் திரும்பினார். அவரின் வருகை அரசியலில் ஏதாவது மாற்றத்தை ஏற்படுத்தும் என அனைவரும் குழப்பத்தில் உள்ளனர்.
இந்நிலையில் நடிகர் ரஜினி அரசியலுக்கு வந்தே தீர வேண்டும். அவர் அரசியலுக்கு வராவிட்டால் சூரிய உதயம் நிறுத்தப்படும் என்று குமரியை சேர்ந்த பிரபல சிவனடியார் சிவ சக்தி அருணகிரி கூறியது பெரும் பரபரப்பை கிளப்பியுள்ளது. ரஜினியின் பிறப்பின் ரகசியம் அறிந்தவன் நான். அவர் ஆட்சி அமைக்க வேண்டும் என்பது ஆண்டவன் கட்டளை. நாட்டையும் மக்களையும் காப்பாற்ற விட்டால் ரஜினியின் ஆன்மாவுக்கு தண்டனை நிச்சயம் என்று அவர் தெரிவித்துள்ளார்.