சூரி கதாநாயகனாக நடித்து வரும் “விடுதலை” திரைப்படத்தை டிரைக்டர் வெற்றி மாறன் இப்போது இயக்கிவருகிறார். எழுத்தாளர் ஜெய மோகனின் துணைவன் என்ற சிறு கதையை மையமாக கொண்டு இந்த படம் உருவாகி வருகிறது. இவற்றில் சூரிக்கு ஜோடியாக பவானிஸ்ரீ நடிக்கிறார். அத்துடன் நடிகர் விஜய் சேதுபதி முக்கியமான கதாபாத்திரத்தில் நடித்திருக்கிறார். மேலும் இப்படத்தில் பிரகாஷ்ராஜ், கவுதம் வாசுதேவ் மேனன், ராஜீவ் மேனன், சேத்தன் உட்பட பலர் நடித்து இருக்கின்றனர். இளையராஜா இசையமைக்கும் இத்திரைப்படத்தை ஆர்.எஸ் இன்போடெயின் மென்ட் சார்பாக எல்ரெட் குமார் தயாரிக்கிறார்.
சென்ற வருடம் வெளியாகிய இந்த படத்தின் பர்ஸ்ட்லுக் போஸ்டர் நல்ல வரவேற்பை பெற்றது. விடுதலை திரைப்படத்தை உதயநிதி ஸ்டாலினின் ரெட் ஜெயிண்ட் மூவிஸ் நிறுவனம் வெளியிடுகிறது. இந்நிலையில் இந்த படத்தின் புது அப்டேட்டை படக்குழு வெளியிட்டுள்ளது. அந்த வகையில் இப்படம் 2 பாகங்களாக தயாராவதாக தயாரிப்பு தரப்பில் தெரிவிக்கப்பட்டு உள்ளது. முதல்பாகத்தின் படப்பிடிப்பு முடிவடைந்துவிட்ட நிலையில், போஸ்ட் புரொடக்ஷன் பணிகள் நடந்து வருகிறது. ஆகவே விரைவில் திரையரங்குகளில் வெளியாக இருக்கிறது. 2ஆம் பாகத்தில் சில பகுதிகள் மட்டுமே படமாக்கப்படவுள்ளது. இதன் படப்பிடிப்பு இப்போது சிறுமலை மற்றும் கொடைக்கானலில் மும்முரமாக நடந்து வருகிறது.