சூர்யா மற்றும் சிவா இணையும் திரைப்படத்தின் படப்பிடிப்பு வருகின்ற ஆகஸ்ட் 21ஆம் தேதி தொடங்குகின்றது.
தமிழ் சினிமாவில் முன்னணி நடிகராக வலம் வருபவர் சூர்யா இவர் தனக்கென தனி ரசிகர் பட்டாளத்தை உருவாக்கியுள்ளார். அண்மையில் வெளியான விக்ரம் திரைப்படத்தில் கெஸ்ட் ரோலில் நடித்திருந்தார். இத்திரைப்படத்தில் 5 நிமிடங்களில் நடித்திருந்த சூர்யாவை ரசிகர்கள் கொண்டாடினர். இவர் தற்போது பாலா இயக்கத்தில் படம் நடித்து வருகிறார்.
இத்திரைப்படத்தை அடுத்து வெற்றிமாறன் இயக்கத்தில் வாடிவாசல், ஞானவேல் இயக்கத்தில் ஒரு திரைப்படத்திலும் நடிக்க இருக்கின்றார். இந்த நிலையில் அடுத்ததாக சூர்யா இயக்குனர் சிவா இயக்கத்தில் நடிக்க இருப்பதாக செய்தி வெளியாகியிருக்கின்றது.
இத்திரைப்படம் மிகப்பெரிய பட்ஜெட்டில் உருவாக இருப்பதாகவும் கூறப்பட்டுள்ளது. தற்பொழுது வந்த தகவலின் படி சிவா மற்றும் சூர்யா இணையும் திரைப்படத்தின் படப்பிடிப்பு வருகின்ற ஆகஸ்ட் 21ஆம் தேதி பூஜையுடன் தொடங்கப்படுகின்றது. மேலும் இது குறித்து அதிகாரப்பூர்வமான தகவல் ஓரிரு நாட்களில் வெளியாகும் என சொல்லப்படுகின்றது குறிப்பிடத்தக்கது.