நடிகர் சூர்யாவின் மகன் தேவின் புகைப்படம் இணையத்தில் வைரலாகி வருகின்றது.
தமிழ் சினிமா உலகில் முன்னணி நடிகராக வலம் வருபவர் சூர்யா. சில வருடங்களாக இவரின் திரைப்படங்கள் வெற்றி பெறாத நிலையில் கடைசியாக அவர் நடிப்பில் வெளியான ஜெய் பீம், சூரரைப்போற்று, எதற்கும் துணிந்தவன் உள்ளிட்ட திரைப்படங்களில் நல்ல வரவேற்பை பெற்றுள்ளது. இவர் தற்போது படங்களை தயாரித்தும் வருகிறார்.
இந்த நிலையில் சூர்யாவின் மகனான தேவ் நடிக்கப்போவதாக சமூக வலைதளங்களில் தகவல் பரவி வருகின்றது. கோமாளி திரைப்படத்தை இயக்கிய பிரதீப் உடன் தேவ் இருப்பது போன்ற புகைப்படம் இணையத்தில் வைரலாகி வருகின்றது. அந்த புகைப்படம் படப்பிடிப்பு தளத்தில் இருப்பது போல் இருப்பதால் சூர்யாவின் மகன் நடிகராகிவிட்டதாக பேசப்பட்டு வருகின்றது. ஆனால் இதுகுறித்த அதிகாரப்பூர்வ தகவல் எதுவும் இதுவரை வெளிவரவில்லை என்பது குறிப்பிடத்தக்கது.