நடிகர் சூர்யா நடிப்பில் இயக்குனர் வெற்றிமாறன் இயக்கத்தில் உருவாக உள்ள வாடிவாசல் படத்தின் அப்டேட் வெளியாகியுள்ளது .
தமிழ் திரையுலகில் நட்சத்திர நாயகனாக வலம் வரும் சூர்யா நடிப்பில் இயக்குனர் வெற்றிமாறன் இயக்கத்தில் உருவாகவுள்ள திரைப்படம் வாடிவாசல். கலைப்புலி எஸ் தாணு தயாரிக்கும் இந்த படத்திற்கு இசையமைப்பாளர் ஜிவி பிரகாஷ் இசையமைக்கிறார் . கடந்த சில மாதங்களுக்கு முன் இந்த படம் குறித்த அறிவிப்பு வெளியானது . இதையடுத்து இந்த படத்தின் எந்த ஒரு அப்டேட்டும் வெளியாகவில்லை. இந்நிலையில் இந்தப் படத்தின் சூப்பர் அப்டேட் ஒன்றை இசையமைப்பாளர் ஜிவி பிரகாஷ் தனது ட்விட்டர் பக்கத்தில் வெளியிட்டுள்ளார்.
The music work for #VaadiVaasal starts today …. 🔥 @Suriya_offl @VetriMaaran @theVcreations
— G.V.Prakash Kumar (@gvprakash) April 13, 2021
அதில் அவர் வாடிவாசல் படத்தின் பாடல் பணிகளைத் தொடங்கி விட்டதாக அறிவித்துள்ளார். விரைவில் இந்த படத்தின் படப்பிடிப்பு தொடங்கும் என எதிர்பார்க்கப்படுகிறது. தற்போது நடிகர் சூர்யா இயக்குனர் பாண்டிராஜ் இயக்கும் படத்தில் நடித்து வருகிறார். அதேபோல் இயக்குனர் வெற்றிமாறன் நடிகர் சூரி கதாநாயகனாக நடிக்கும் படத்தை இயக்கி வருகிறார் . இந்த இரண்டு படங்களின் படப்பிடிப்புகள் நிறைவடைந்த பின் வெற்றிமாறன்- சூர்யாவின் வாடிவாசல் படப்பிடிப்பு தொடங்கும் என கூறப்படுகிறது.