நடிகர் சூர்யா நடிப்பில் ,சுதா கொங்கரா இயக்கிய சூரரைப்போற்று படமானது திட்டமிட்டப்படி வெளியாவதில் சிக்கல் ஏற்பட்டுள்ளதாக கூறப்படுகின்றது.
இயக்குனர் சுதா கொங்கரா இயக்கத்தில் நடிகர் சூர்யா நடிப்பில் தற்போது உருவாகியிருக்கும் படம் சூரரைப்போற்று ஆகும். இதை சூர்யாவின் 2டி நிறுவனம் தயாரித்துள்ளது. இப்படத்தின் கதாநாயகியாக அபர்ணா பாலமுரளி நடித்துள்ளார். இதற்கு ஜிவி பிரகாஷ் இசையமைக்கிறார். இதில் கருணாஸ், தெலுங்கு நடிகர் மோகன் பாபு ஆகியோர் முக்கிய கதாபாத்திரத்தில் நடித்துள்ளனர். இது வருகின்ற அக்டோபர் 30-ம் தேதி வெளியாகும் என அறிவிக்கப்பட்டுள்ளது. ஆகவே இப்படம் திட்டமிட்டபடி வெளியாவதில் சிக்கல் ஏற்பட்டுள்ளதாக கருதப்படுகின்றது.
இது இந்தியாவில் முதல் பட்ஜெட் விமான பயணத்தை உருவாக்கிய ஜி. ஆர். கோபிநாத்தின் வாழ்கை கதையை மையப்படுத்திய படமாக உருவாகியிருப்பதால் இந்திய விமானப்படை தரப்பிலிருந்து ஒப்புதல் கடிதம் வருவதற்காக படக்குழுவினர் காத்திருக்கின்றனர். இதனால்தான் தற்பொழுது வரையில் படத்தை விளம்பரப்படுத்தும் பணிகள் எதுவும் நடைபெறவில்லையாம் .எனவே இதற்கான சான்றிதழ் கிடைக்க தாமதம் ஏற்படும் நிலையில் படத்தின் ரிலீஸ் தள்ளிப்போகும் என தகவல்கள் வெளிவந்துள்ளன.