சிறுத்தை, வீரம், விஸ்வாசம், அண்ணாத்த உட்பட பல்வேறு திரைப்படங்களை டிரைக்டு செய்த சிவா இயக்கும் படத்தில் சூர்யா இப்போது நடிக்கிறார். சூர்யா 42 என தற்காலிகமாக பெயரிடப்பட்டுள்ள இந்த படத்தை ஸ்டுடியோ கிரீன் மற்றும் யுவி கிரியேஷன் நிறுவனம் இணைந்து தயாரிக்கிறது.
இந்த படத்தில் பாலிவுட் நடிகை திஷா பத்தானி, யோகிபாபு, கிங்ஸ்லி, கோவை சரளா, ஆனந்த் ராஜ் உட்பட பலர் முக்கியமான கதாபாத்திரங்களில் நடிக்கின்றனர். தேவிஸ்ரீ பிரசாத் இசையமைக்கவுள்ள இந்த படம் 3டி முறையில் சரித்திர திரைப்படமாக 10 மொழிகளில் வெளியாக இருக்கிறது. அத்துடன் சூர்யா 42 திரைப்படத்தின் முதற்கட்ட படப்பிடிப்பு அண்மையில் நிறைவடைந்ததாக நடிகை திஷா பத்தானி தெரிவித்து இருந்தார்.
இந்த நிலையில் இப்படத்தின் புது அப்டேட் வெளியாகி இருக்கிறது. அந்த வகையில் சூர்யா 42 திரைப்படத்தின் அடுத்தக்கட்ட படப் பிடிப்பு இலங்கை வனப் பகுதியில் நடைபெற இருப்பதாகவும், 60 நாட்கள் நடைபெறும் இந்த சூட்டிங்கில் படத்தின் பெரும் பகுதியை முடிக்க படக்குழு திட்டமிட்டு உள்ளதாகவும் தகவல் வெளியாகியுள்ளது.