செஞ்சி சட்ட மன்ற தொகுதியை திமுக 8 முறை கைப்பற்றியுள்ளது. காங்கிரஸ் 3 முறையும், அதிமுக, பாமக மற்றும் சுயேச்சை வேட்பாளர் தலா ஒரு முறை வென்றுள்ளது. தற்போதைய எம்.எல்.ஏ திமுகவின் மஸ்தான். செஞ்சி தொகுதியின் மொத்த வாக்காளர்கள் எண்ணிக்கை 2,60,159 ஆகும். செஞ்சி கோட்டையை சுற்றுலா தலமாக அறிவிக்க வேண்டும் என்றும், மலை உச்சிகளில் உள்ள கோட்டைகளை காண ரோப் கார் வசதி செய்து தர வேண்டும் என்றும் மக்கள் நீண்ட நாளாக கோரிக்கை விடுகின்றனர்.
செஞ்சியில் அரசு கலை கல்லூரி மற்றும் தொழில்நுட்ப கல்லூரி அமைக்க வேண்டும் என்றும் மக்கள் வலியுறுத்துகின்றனர். திண்டிவனம்-திருவண்ணாமலை ரயில் திட்டத்தை விரைந்து முடிக்க வேண்டும் என்றும் அவர்கள் தெரிவிக்கின்றனர். அவலூர்பேட்டை ஊராட்சியை தரம் உயர்த்த வேண்டும் என்பதும், நிரந்தர பேருந்து நிலையம் அமைக்க வேண்டும் என்பதும் வேண்டுகோள்களாக முன் வைக்கப்படுகிறது. மக்களின் வாழ்வாதாரத்தை மேம்படுத்த தேவையான நடவடிக்கைகளை எடுக்க வேண்டும் என்பது மக்களின் முக்கிய கோரிக்கையாக உள்ளது.