சென்னையில் கொட்டி தீர்த்த மழை… தேங்கி நிற்கும் மழைநீர்… வாகன ஓட்டிகள் அவதி…!!!

சென்னை மற்றும் அதன் புறநகர் பகுதிகளில் கனமழை கொட்டி தீர்த்ததால் வாகன ஓட்டிகள் அவதிப்பட்டு வருகின்றனர்.

வளிமண்டல மேலடுக்கு சுழற்சி மற்றும் வெப்ப சலனம் காரணமாக, தென் தமிழகத்தில் உள்ள உள் மாவட்டங்களில் அடுத்த 24 மணி நேரத்தில் கனமழை பெய்யும் என்றும்,சில மாவட்டங்களில் லேசானது முதல் மிதமான மழை பெய்யும் என்றும் சென்னை வானிலை ஆய்வு மையம் அறிவித்திருந்தது.

இந்நிலையில் இன்று சென்னை மற்றும் அதன் புறநகர் பகுதிகளில் பலத்த மழை கொட்டி தீர்த்தது. சென்னையில் ஆலந்தூர், ஆதம்பாக்கம், வடபழனி,கிண்டி மற்றும் தாம்பரம் உள்ளிட்ட பல்வேறு பகுதிகளில் கனமழை பெய்ததால், சில இடங்களில் தண்ணீர் தேங்கியுள்ளது. அதனால் வாகன ஓட்டிகள் அனைவரும் அவதிக்குள்ளாகியுள்ளனர்.