சென்னையில் ஞாயிற்றுக்கிழமை முதல் கொரோனா ஊரடங்கு அமல்படுத்த உள்ளதாக தகவல் வெளியாகியுள்ளது.
தமிழகத்தில் கடந்த சில நாட்களாக கொரோனா தொற்று அசுர வேகத்தில் வளர்ந்து வருகிறது. இதனால் மக்கள் பீதியில் உள்ளனர். கொரோனாவை கட்டுப்படுத்த தமிழக அரசு பல்வேறு கட்ட நடவடிக்கைகளை மேற்கொண்டு வருகின்றது. முக கவசம் அணிதல், சமூக இடைவெளியை பின்பற்றுதல் போன்ற முக்கிய நடவடிக்கைகளை நடைமுறைப்படுத்தி வருகின்றது. மக்கள் அனைவரையும் கொரோனா தடுப்பூசி போட்டுக்கொள்ள வலியுறுத்தி வருகிறது.
கடந்த சில நாட்களாக சென்னையில் கொரோனா தொற்று பாதித்தவர்களின் எண்ணிக்கை 500க்கு மேல் சென்றுள்ளது. இதன் காரணமாக வரும் ஞாயிற்றுக்கிழமை முதல் பகுதி நேர ஊரடங்கு அமல்படுத்தப்பட வாய்ப்பு உள்ளதாக தகவல் வெளியாகியுள்ளது. சென்னையில் 20 வார்டுகள் கொரோனா தொற்று அதிகரித்துள்ள நிலையில் மாலை 6 மணி முதல் அடுத்த நாள் காலை 6 மணி வரை 12 மணி நேர ஊரடங்கு ஞாயிற்றுக்கிழமை முதல் சென்னையில் அமல்படுத்த வாய்ப்பு உள்ளது என்ற தகவல் வெளியாகியுள்ளது.