சென்னையில் டீசல் விலை லிட்டருக்கு ரூபாய் 94. 24 விற்பனையாகி வருகின்றது. கடந்த சில நாட்களாக சென்னையில் சில பெட்ரோல் பங்குகளில் டீசல் இல்லை என்ற விளம்பர பலகை வைக்கப்பட்டுள்ளது. இதனால் வாகன ஓட்டிகள் பெரும் சிரமம் அடைந்துள்ளனர். கடந்த ஞாயிற்றுக்கிழமை முதல் இந்த டீசல் தட்டுப்பாடு நிலவி வருகிறது. இதற்கு காரணம் தெரியாமல் வாடகை கார், ஆட்டோ உள்ளிட்ட வாகன ஓட்டிகள் பெரும் இன்னலுக்கு ஆளாகியுள்ளனர்.
மேலும் Hindustan Petroleum, Bharat Petroleum, Indian Oil Corporation அனைத்து விதமான எரிபொருள் நிலையங்களிலும் இந்த பிரச்சனை உள்ளது. சில இந்தியன் ஆயில் நிறுவன பங்குகளில் டீசல் இருந்தாலும் குறிப்பிட்ட சில வாகனங்களுக்கு மட்டுமே வழங்கப்படுவதாக பொதுமக்கள் குற்றம் சாட்டில் வருகின்றனர். எண்ணெய் நிறுவனங்களில் உள்ள சுத்திகரிப்பு நிலையங்கள் பராமரிப்பு பணிகள் காரணமாகவே சென்னைக்கு டீசல் வழங்குவதில் தாமதம் ஏற்பட்டுள்ளதாகவும், இந்த பிரச்சனை இன்னும் சில நாட்கள் நீடிக்கும் என்று தெரிவித்துள்ளதால் வாகன ஓட்டிகள் அதிர்ச்சி அடைந்துள்ளனர்.