இன்று சென்னையில் 2,082 பேருக்கு கொரோனா தொற்று இருப்பது உறுதி செய்யப்பட்டுள்ளது.
தமிழகத்தில் நாள்தோறும் கொரோனாவால் பாதிக்கப்பட்டவர்களின் எண்ணிக்கை அதிகரித்து கொண்டே வருகிறது.. தினமும் கொரோனா பாதிப்பு குறித்த விவரங்கள் மாலை அறிவிக்கப்பட்டு வருகிறது. இந்நிலையில் தமிழகத்தில் இன்று 35,028 பேருக்கு சோதனை செய்ததில், மேலும் 4,329 பேர் கொரோனா வைரசால் பாதிக்கப்பட்டுள்ளதாக சுகாதாரத்துறை தெரிவித்துள்ளது.. இதனால் தமிழகத்தில் கொரோனா பாதிப்பு எண்ணிக்கை 98,392ல் இருந்து 1,02,721 ஆக உயர்ந்துள்ளது.
இதனால் கொரோனா பாதிப்பு 1 லட்சத்தை தாண்டி விட்டது.. அதேபோல இன்று ஒரே நாளில் கொரோனாவால் 64 பேர் உயிரிழந்துள்ளனர். இதனால் மொத்த பலி எண்ணிக்கை 1,385 ஆக அதிகரித்துள்ளது.. அதேசமயம் கொரோனா பாதிப்பில் இருந்து இன்று 2,357 பேர் குணமடைந்து வீடு திரும்பியுள்ளனர்.. இதனால் குணமடைந்தவர்களின் எண்ணிக்கை 56, 021 ல் இருந்து 58,378 ஆக அதிகரித்துள்ளது.
தமிழகத்தில் இன்று கொரோனா உறுதி செய்யப்பட்ட 4,329 பேரில், அதிகபட்சமாக சென்னையில் மட்டும் 2,082 பேருக்கு கொரோனா தொற்று உறுதி செய்யப்பட்டுள்ளது. இதனால் சென்னையில் கொரோனாவால் பாதிக்கப்பட்டவர்களின் மொத்த பாதிப்பு எண்ணிக்கை 64,689 ஆக அதிகரித்தது.
அதேபோல சென்னையில் 40,111 பேர் இதுவரையில் குணமடைந்து வீடு திரும்பியுள்ளனர்.. அதேசமயம் இதுவரையில் 996 பேர் உயிரிழந்துள்ளனர்.. தற்போது சென்னையில் 23,581 பேர் சிகிச்சை பெற்று வருகின்றனர் என்பது குறிப்பிடத்தக்கது.