ஐபிஎல் 20 ஓவர் கிரிக்கெட் போட்டியின் 2-வது சீசன் ஆட்டங்கள் இன்று தொடங்குகின்றன. கடந்த ஏப்ரல், மே மாதங்களில் நடைபெற்ற ஐபிஎல் போட்டிகள் கொரோனா சூழல் காரணமாக ஒத்திவைக்கப்பட்ட நிலையில், ஐக்கிய அரபு எமிரேட்சில் எஞ்சிய 31 ஆட்டங்களை நடத்த இந்திய கிரிக்கெட் கட்டுப்பாட்டு வாரியம் முடிவு செய்து அதன்படி, துபாய், சார்ஜா, அபுதாபி இந்த போட்டிகள் நடைபெற உள்ளன.
இரண்டாவது சீசன் போட்டியின் முதல் ஆட்டம் இன்று துபாயில் நடைபெறும் போட்டியில் சென்னை – மும்பை அணிகள் மோதுகின்றன. நீண்ட காலமாக ஐபிஎல் போட்டிகளை கண்டு ரசிக்க முடியாமல் இருந்த கிரிக்கெட் ஆர்வலர்கள் மீண்டும் போட்டிகள் தொடங்க ஆர்வத்துடன் எதிர்நோக்கி இருகின்றனர்.
இந்த நிலையில் இன்றைய போட்டி தொடங்கி டாஸ் போடப்பட்டது. அதில் சென்னை அணி டாஸில் வெற்றிபெற்று பேட்டிங்கை தேர்வு செய்தது. யாரும் எதிர்பார்க்காத வகையில் மும்பை அணிக்காக ரோஹித் சர்மா விளையாடவில்லை. இன்றைய போட்டியில் போலார்டு கேப்டனாக செயல்படுவார் என்று உறுதி செய்யப்பட்டது. ரோகித் சர்மா ஏன் இந்த போட்டியில் ஆடவில்லை என்பது குறித்து எந்த தகவலும் வெளியாகவில்லை.