சென்னை சென்டிரல் மற்றும் பெங்களூரு இடையே அதிவிரைவு சிறப்பு ரயில் வருகின்ற 23ஆம் தேதி முதல் இயக்கப்படும் என்று தெற்கு ரயில்வே தெரிவித்துள்ளது.
தெற்கு ரயில்வே இன்று வெளியிட்டுள்ள செய்திக்குறிப்பில், ” கேஎஸ்ஆர் பெங்களூரு-சென்னை எம்ஜிஆர் சென்டிரல் இடையே இயக்கப்படுகின்ற ஏசி அதிவிரைவு சிறப்பு ரயில் வருகின்ற 23 ஆம் தேதி முதல் செவ்வாய் கிழமையை தவிர வாரத்தில் மற்ற ஆறு நாட்களிலும் பெங்களூரு ரயில் நிலையத்திலிருந்து காலை 6 மணிக்கு புறப்பட்டு செல்லும்.
அதே சிறப்பு ரயில் சென்னையில் இருந்து பெங்களூரு இடையே வருகின்ற இருவத்தி மூன்றாம் தேதி முதல் செவ்வாய்க்கிழமை தவிர வாரத்தில் ஆறு நாட்களிலும் சென்ட்ரல் ரயில் நிலையத்தில் இருந்து மாலை 5.30 மணிக்கு புறப்படும்” என்று தெரிவிக்கப்பட்டுள்ளது.