சென்னை தீவுத்திடலில் கோடை கொண்டாட்ட கண்காட்சியை தி.மு.க எம்.பி வில்சன், திரைப்பட நடிகர் ரேடின் கிங்ஸ்லி ஆகியோர் நேற்று திறந்து வைத்துள்ளனர்.
சென்னை, தீவுத்திடலில் கோடை கொண்டாட்ட கண்காட்சி நேற்று தொடங்கப்பட்டது. இந்த கண்காட்சியை தி.மு.க எம்.பி.வில்சன், திரைப்பட நடிகர் ரேடின் கிங்ஸ்லி ஆகியோர் திறந்து வைத்தார்கள். இந்த கண்காட்சியில் குற்றால அருவி செயற்கை வடிவில் நீருற்றுடன் அமைக்கப்பட்டு உள்ளது. இந்த அருவியில் பொதுமக்கள் குளிக்கலாம். மேலும் திகில் அரங்கம், ராட்டினம், பனிக்கூடு, மேஜிக் ஷோ போன்ற பொழுதுபோக்கு அம்சங்களும் அமைக்கப்பட்டுள்ளது. இதனையடுத்து தின்பண்டங்களாக மும்பை வடபாவ், பஜ்ஜி, டெல்லி அப்பளம், ஊட்டி மிளகாய், ஆகியவை விற்க வைக்கப்பட்டுள்ளது. மேலும் பெண்களை கவர்கின்ற வகையில் அழகு சாதன பொருட்கள், ஆடை அலங்கார பொருட்கள் ஆகியவை விற்கப்படுகின்றன.
இதை தொடர்ந்து கம்ப்யூட்டர் ஜோதிடம், மீன் கண்காட்சி, அதிர்ஷ்ட விளையாட்டு போன்ற அரங்குகளும் கண்காட்சியில் வைக்கப்பட்டுள்ளன. இந்த கண்காட்சியில் ஒட்டக சவாரி இருக்கின்றது. இந்த கண்காட்சியில் நுழைவுவதற்கு கட்டணம் உண்டு. மேலும் இந்த கண்காட்சியில் பொழுதுபோக்கு விளையாட்டுகள், மேஜிக் ஷோ ஆகியவற்றை பார்வையிடுவதற்கு தனித்தனியாக கட்டணம் வசூலிக்கப்படுகிறது. நேற்று ஆரம்பித்த இந்த கண்காட்சி 45 தினங்கள் நடைபெற இருக்கின்றது.