தமிழகத்தின் தலைநகரான சென்னையில் மழைக்காலம் வந்து விட்டாலே தண்ணீரில் மிதக்கிறது. அந்த அளவுக்கு பார்க்கும் இடமெல்லாம் மழைநீர் தேங்கி மக்களின் இயல்பு வாழ்க்கை பாதிக்கிறது ன. மழை காலங்களில் நீர்நிலைகள் நிரம்பி அதன் உபரி நீர் குடியிருப்பு பகுதியில் தேங்குகிறது. இதனால் மக்கள் வீட்டை விட்டு வெளியேற முடியாத நிலைக்கு தள்ளப்படுகின்றனர். அது மட்டுமில்லாமல் வாகன ஓட்டிகளும் நிரம்பியுள்ள தண்ணீருக்கு மத்தியில் வாகனத்தை இயக்க முடியாமல் சிரமப்படுகின்றனர். இதற்கு காரணம் பெரும்பாலான இடங்களில் மழைநீர் வடிகால் இல்லாததை காரணமாக கூறப்படுகிறது.
இந்நிலையில் சென்னை மாநகராட்சி மழைநீர் வடிகால் இல்லாத இடங்களை கண்டறிந்து, தற்போது மழைநீர் வடிகால் அமைக்கும் பணிகள் நடைபெற்று வருகிறது. இதனையடுத்து இந்த பணிகள் நடைபெறும் பகுதிகளில் பொதுமக்களின் பாதுகாப்பு கருதி தடுப்புகள் அமைக்கவும் உத்தரவிடப்பட்டுள்ளது. அதன்படி தடுப்புகள் அமைப்பதற்கான நிலையான வழிகாட்டு நெறிமுறைகளும் வெளியிடப்பட்டுள்ளது. இருப்பினும் இதனை ஒப்பந்தக்காரர்கள் பின்பற்றவில்லை. இதனை கண்டறியப்பட்டு பின்பற்றாதவர்கள் மீது நடவடிக்கை எடுக்கப்பட்டு அபராத விதிக்கப்பட்டுள்ளது. தற்போது மழைநீர் வடிகால் மற்றும் பிற சேவைகள் நடைபெறும் இடங்களில் தடுப்பு அணைகள் இல்லையென்றால் அதனை அறிந்த பொதுமக்கள் உடனே 1913 என்ற மாநகராட்சி உதவி எண்ணை அழைத்து புகார் அளிக்கலாம் என்று தெரிவித்துள்ளது.