சென்னை சர்வதேச விமான நிலையத்துக்கு துபாயிலிருந்து 7-ம் தேதி இண்டிகோ விமானத்தின் முன்பக்க கழிவறையின் டிஷ்யூ வைக்கும் தட்டின் பின்புறம் பசை வடிவில் மறைத்து வைத்திருந்த 740 கிராம் தங்கத்தை சுங்கத்துறை அதிகாரிகள் பறிமுதல் செய்துள்ளனர். அதைத்தொடர்ந்து கடந்த ஒன்பதாம் தேதி ஐக்கிய அரபு அமீரகத்தில் இருந்து எமிரேட்ஸ் விமானத்தில் வந்திறங்கிய ஹஸ்பெஹ்ஹாசனை சுங்க அதிகாரிகள் சோதனை செய்த போது அவர் தனது மலக்குடலில் பசை வடிவில் பதுக்கி வைத்திருந்த தங்கம் மற்றும் உள்ளாடையில் மறைத்து வைத்திருந்த தங்கச் சங்கிலி ஆகியவற்றை சுங்கத்துறை அதிகாரிகள் பறிமுதல் செய்தனர்.
1249 கிலோ எடை கொண்ட அவற்றின் மதிப்பு 55 புள்ளி 96 லட்சம் என்று அதிகாரிகள் தெரிவித்துள்ளனர். இரண்டு சோதனைகள் மூலம் மொத்தம் ரூ.89.11 லட்சம் மதிப்பிலான, 1.989 கிலோ தங்கம் பறிமுதல் செய்யப்பட்டுள்ளதாக தெரிவிக்கப்பட்டுள்ளது. தொடர்ந்து விசாரணை நடைபெற்று வரும் நிலையில் சர்வதேச விமான நிலையத்தை சுங்கத்துறை இணை ஆணையர் எம் மேத்யூ ஜோலி விசாரணை செய்து வருகிறார்.