ஜெயம் ரவியின் புதிய படத்தில் ஹீரோயினியாக கீர்த்தி சுரேஷ் நடிக்க உள்ளதாக தகவல் வெளியாகியுள்ளன.
தமிழ் சினிமாவின் முன்னணி நடிகராக திகழ்பவர்களுள் ஒருவர் ஜெயம்ரவி. இவர் இயக்குனர் மணிரத்தினம் பிரமாண்டமாக உருவாக்கியுள்ள ‘பொன்னியின் செல்வன்’ என்ற படத்தில் நடித்து முடித்துள்ளார். இதைத் தொடர்ந்து ஜெயம் ரவி தனது அடுத்த படத்திற்கான வேலைகளில் மும்முரமாக இறங்கியுள்ளார். அந்த வகையில் ஜெயம் ரவி ‘பூமி’ படத்திற்குப் பிறகு மணிரத்தினத்தின் ‘பொன்னியின் செல்வன்’ என்ற படத்தில் நடித்து முடித்துள்ளார்.
இதனை அடுத்து கடந்த 2015 ஆம் ஆண்டு ஜெயம் ரவி நடிப்பில் வெளியான சூப்பர் ஹிட் படம் பூலோகம். இந்தப்படத்தின் இயக்குனர் கல்யாண் இயக்கத்தில் புதிய படம் ஒன்றில் ஜெயம் ரவி நடிக்க கமிட்டாகியுள்ளார். மேலும் ஜெயம் ரவியின் 28-வது படமான இப்படத்திற்கு ‘அகிலன்’ என பெயரிடப்பட்டுள்ளது. இந்தப்படத்தில் ஹீரோயினியாக பவானி ப்ரியா சங்கர் நடித்துள்ளார். இதன் படப்பிடிப்பு நிறைவடைந்த நிலையில், தற்போது இறுதிக்கட்ட பணிகள் நடைபெற்று வருகின்றன.
இதனைத் தொடர்ந்து ஜெயம்ரவி, இயக்குனர் ராஜேஷின் புதிய படம் ஒன்றில் நடிக்க உள்ளார். இந்த படத்தின் முதற்கட்ட பணிகள் மும்முரமாக நடைபெற்று வருகின்ற நிலையில், கீர்த்தி சுரேஷ் நாயகியாக நடிப்பதற்கு பேச்சுவார்த்தை நடத்தியுள்ளனர். அவர் மட்டும் ஓகே சொன்னால் ஜெயம் ரவி – கீர்த்தி சுரேஷ் இருவரும் இணையும் முதல் படமாக இப்படம் அமையும் என்று தெரிவித்துள்ளார்.