பிரபல இயக்குனர் வெற்றிமாறன் நடிகர் விஜய் வைத்து விரைவில் படம் இயக்க இருப்பதாக கூறியுள்ளார்.
தமிழ் திரையுலகில் நட்சத்திர நாயகனாக வலம் வரும் விஜய் நடிப்பில் வெளியான மாஸ்டர் திரைப்படம் ரசிகர்களிடையே நல்ல வரவேற்பை பெற்றது. இதை தொடர்ந்து விஜய் நடிக்கும் 65வது படத்தை இயக்குனர் நெல்சன் திலீப்குமார் இயக்க உள்ளார் . சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார். மேலும் இந்த படத்தில் கதாநாயகியாக நடிகை பூஜா ஹெக்டே நடிக்கிறார் . விரைவில் இந்த படத்தின் படப்பிடிப்பு தொடங்கப்பட உள்ளது .
இந்நிலையில் ‘அசுரன்’ படத்திற்காக சிறந்த இயக்குனருக்கான தேசிய விருது பெற்ற இயக்குனர் வெற்றிமாறன் ‘விரைவில் நடிகர் விஜய்யை வைத்து படம் இயக்க உள்ளேன்’ என உறுதியாக கூறியுள்ளார். இதனால் தளபதி ரசிகர்கள் மிகுந்த உற்சாகத்தில் உள்ளனர் . தற்போது இயக்குனர் வெற்றிமாறன் சூரி கதாநாயகனாக நடிக்கும் படத்தை இயக்கி வருகிறார். இதையடுத்து இவர் நடிகர் சூர்யாவின் வாடிவாசல் படத்தை இயக்கவுள்ளார் என்பது குறிப்பிடத்தக்கது. இந்த இரண்டு படங்களையும் இயக்கி முடித்த பின் நடிகர் விஜய் நடிக்கும் படத்தை வெற்றிமாறன் இயக்குவார் என எதிர்பார்க்கப்படுகிறது.