லெஜெண்ட் சரவணன் ஹீரோவாக நடித்து வரும் படத்தின் படப்பிடிப்பு புகைப்படங்கள் வெளியாகியுள்ளது.
தனது கடையின் விளம்பரங்களில் பல ஹீரோயின்களுடன் நடித்து பிரபலமடைந்தவர் லெஜெண்ட் சரவணா ஸ்டோர்ஸ் உரிமையாளர் அருள். தற்போது ஜேடி , ஜெர்ரி இயக்கத்தில் ஹீரோவாக ஒரு படத்தில் நடித்து வருகிறார். இந்த படத்தில் ரோபோ சங்கர் ,பிரபு,நாசர் ,தம்பி ராமய்யா , விவேக் உள்ளிட்ட பலர் முக்கிய கதாபாத்திரத்தில் நடித்து வருகின்றனர். இந்த படத்திற்கு ஹாரிஸ் ஜெயராஜ் இசையமைக்கிறார்.
மேலும் இந்த படத்தில் பிரபல பாலிவுட் நடிகை ஊர்வசி ரவுட்டேலா கதாநாயகியாக நடிப்பதாக தகவல் வெளியானது. சமீபத்தில் இந்தப் படத்தின் ஆக்ஷன் காட்சிகளின் படப்பிடிப்பு புகைப்படங்கள் வெளியாகி இணையத்தில் வைரலானது. தற்போது மணலியில் இந்த படத்தின் படப்பிடிப்பு விறுவிறுப்பாக நடைபெற்று வருகிறது . இந்நிலையில் இந்த படப்பிடிப்பில் ஹீரோ லெஜெண்ட் சரவணன் நடிகை ஊர்வசி ரவுட்டேலாவுடன் இருக்கும் படப்பிடிப்பு புகைப்படங்கள் வெளியாகி இணையத்தை கலக்கி வருகிறது.