தளபதி விஜய் தமிழ் சினிமாவில் பிரபல முன்னணி நடிகர்களில் ஒருவராக வலம் வருகிறார். இயக்குனர் நெல்சன் இயக்கத்தில் இவர் நடிப்பில் தற்போது உருவாகியுள்ள திரைப்படம் ”பீஸ்ட்”. சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசையமைத்துள்ளார். இந்த படத்தில் கதாநாயகியாக பூஜா ஹெக்டே நடிக்கிறார். மேலும் இந்த படத்தில் யோகி பாபு, அபர்ணா தாஸ், செல்வராகவன் மற்றும் பலர் முக்கிய கதாபாத்திரத்தில் நடிக்கின்றனர்.
இந்தநிலையில் இந்த படம் இன்று வெளியானது. படத்தை காண இரவு முதலே ரசிகர்கள் திரையரங்குகள் முன்பு ஆட்டம், பாட்டம், கொண்டாட்டம் என காத்திருந்த நிலையில் பீஸ்ட் திருவிழாவின் 4:00 மணி காட்சி தொடங்கியுள்ளது. மேலும் படத்தின் நாயகி பூஜா ஹெக்டே, பிரியங்கா மோகன், நெல்சன் மனைவி ஆகியோரும் திரையரங்கில் இப்படத்தை ரசிகர்களுடன் பார்த்து வருகின்றனர்.