டெல்லியில் செயினை பறிக்க வந்த திருடனை தடுத்ததால் அப்பெண்ணை குத்தி கொலை செய்த சம்பவம் பெரும் பரபரப்பை ஏற்படுத்தி உள்ளது.
இன்றைய காலகட்டத்தில் பெண்கள் தனியாக நடந்து செல்வது என்பது மிகவும் ஆபத்தான விஷயமாக உள்ளது. ஏனெனில் ஒரு பெண் சாதாரணமாக ரோட்டில் நடந்து சென்று கொண்டிருக்கும் போது திடீரென்று வரும் மர்ம நபர்கள் செயினை பறித்து செல்கின்றனர். இதனால் பல உயிர் சேதமும் நடந்து வருகின்றது.
அதுபோன்றுதான் டெல்லியில் ஆதர்ஷ் நகர் பகுதியில் நேற்று இரவு இரண்டு பெண்கள் மார்க்கெட்டில் நடந்து சென்று கொண்டிருந்தனர். அப்போது ஒரு பெண் கையில் இரண்டு வயது குழந்தையை வைத்திருந்தார்.அங்கு வந்த மர்ம நபர் ஒருவர் அந்தப் பெண்ணின் கழுத்தில் செயினை பறிக்க முயற்சி செய்தார், அதை தடுத்த போது அந்த பெண்ணை கத்தியால் குத்தி விட்டு அங்கிருந்து தப்பி ஓடிவிட்டார்.
இதையடுத்து அந்தப் பெண்ணை அருகில் இருந்தவர்கள் மருத்துவமனைக்கு அழைத்து சென்றனர். ஆனால் சிகிச்சை பலனின்றி உயிரிழந்தார். இந்த சம்பவம் டெல்லியில் பெரும் பரபரப்பை ஏற்படுத்தியுள்ளது. இதுகுறித்து சிசிடிவி கேமராவில் பதிவாகியுள்ள காட்சிகளை வைத்து போலீசார் விசாரணை நடத்திவருகின்றனர். மேலும் கொலையாளியை கண்டு பிடிக்க 10 தனிப்படைகள் அமைத்து தீவிரமாக தேடி வருகின்றனர்.