கிணற்றில் தவறி விழுந்து விடிய விடிய உயிருக்கு போராடி கொண்டிருந்த இளைஞனை தீயணைப்பு வீரர்கள் மீட்டுள்ளனர்.
நாமக்கல் மாவட்டம் பள்ளிபாளையம் அடுத்துள்ள புதன்சந்தைபேட்டையில் செயல்பட்டு வரும் தனியார் நூற்பாலையில் வெளிமாவட்டத்தை சேர்ந்த பல்வேறுதொழிலாளர்கள் பணிபுரிந்து வருகின்றனர். அதன்படி திருவாரூர் மாவட்டத்தை சேர்ந்த ஆஷிக் என்ற இளைஞன் நாமக்கலில் தங்கி நூற்பாலையில் வேலை பார்த்து வந்துள்ளார். இந்நிலையில் நேற்று முன்தினம் இரவு ஆஷிக் அப்பகுதியில் செல்போன் பேசிகொண்ட நடந்து சென்றுள்ளனர். அப்போது அங்கிருந்த கிணற்றில் எதிர்பாராத விதமாக இளைஞர் தவறி விழுந்துள்ளார். இதனையடுத்து கிணற்றில் விழுந்த விழுந்த ஆஷிக் காப்பாற்றுங்கள் காப்பாற்றுங்கள் என அலறியுள்ளார்.
இதனைதொடர்ந்து அப்பகுதியில் யாரும் இல்லாததால் ஆசிக் விடிய விடிய கிணற்றில் இருந்த பாறையை பிடித்துகொண்டு தத்தளித்துள்ளர். மேலும் நேற்று அதிகாலையில் ஆஷிக்கின் சத்தம் கேட்டு வந்த சிலர் உடனடியாக வெப்படை தீயணைப்பு துறையினருக்கு தகவல் அளித்துள்ளனர். தகவலறிந்து விரைந்து சென்ற தீயணைப்பு வீரர்கள் உடனடியாக கிணற்றில் இறங்கி உயிருக்கு போராடி கொண்டிருந்த இளைஞனை மீட்டு மேலே கொண்டு வந்துள்ளனர். இந்நிலையில் கிணற்றில் விழுந்ததால் ஆஷிக் கையில் பலத்த காயம் ஏற்பட்டு இருந்த நிலையில் அவரை சிகிச்சைக்காக பள்ளிபாளையம் அரசு மருத்துவமனையில் அனுமதித்துள்ளனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.