தமிழ் சினிமாவில் பிரபலமான இயக்குனராக வலம் வரும் செல்வராகவன் தற்போது நானே வருவேன் என்ற திரைப்படத்தை இயக்கியுள்ளார். இந்த படத்தில் நடிகர் தனுஷ் ஹீரோவாக நடித்துள்ளார். இந்த படத்திற்கு யுவன் சங்கர் ராஜா இசை அமைக்க, வி கிரியேஷன்ஸ் சார்பில் கலைப்புலி எஸ். தானு தயாரித்துள்ளார். இப்படம் செப்டம்பர் 29-ஆம் தேதி திரையரங்குகளில் ரிலீஸ் ஆகிறது. இந்த படத்தின் புரோமோஷன் வேலைகளில் தற்போது படக்குழுவினர் ஈடுபட்டுள்ளனர்.
இந்நிலையில் செல்வராகவனுக்கு சர்ப்ரைஸ் கொடுக்கும் விதமாக அவருடைய குடும்பத்தை தமிழக முதல்வர் ஸ்டாலின் திடீரென சந்தித்துள்ளார். இது தொடர்பான புகைப்படத்தை இயக்குனர் செல்வராகவன் தன்னுடைய டுவிட்டர் பக்கத்தில் பகிர்ந்துள்ளார். மேலும் மாண்புமிகு முதல்வர் எங்கள் வீட்டிற்கு வந்தபோது ஒரு சிறப்பான சந்திப்பாக இருந்தது என்றும் பதிவிட்டுள்ளார். இந்த புகைப்படம் தற்போது இணையதளத்தில் வைரலாகி வருகிறது.
When honourable C.M visited our family 😍😍 what a special meeting 🙏🏼🙏🏼 pic.twitter.com/kuLKoLD7k8
— selvaraghavan (@selvaraghavan) September 26, 2022