மாமல்லபுரத்தில் நடைபெறும் 44 ஆவது செஸ் ஒலிம்பியாட் போட்டி வருகிற 28ஆம் தேதி தொடங்கி ஆகஸ்ட் மாதம் 10ஆம் தேதி வரை நடைபெற உள்ளது. இந்த போட்டியை தொடங்கி வைப்பதற்காக வரும் 28ஆம் தேதி பிரதமர் மோடி சென்னை வருகிறார். மாமல்லபுரத்தில் 44-வது சர்வதேச செஸ் ஒலிம்பியாட் போட்டி வருகிறது. 28ஆம் தேதி தொடங்கி ஆகஸ்ட் மாதம் பத்தாம் தேதி வரை நடைபெறுகின்றது. இதற்காக பூஞ்சேரியில் உள்ள போர் பாயிண்ட் அரங்கத்தில் பிரம்மாண்ட ஏற்பாடுகள் செய்யப்பட்டு வருகின்றது.
188 நாடுகளை சேர்ந்த செஸ் வீரர்கள், வீராங்கனைகள் உள்ளிட்ட 2500 க்கும் மேற்பட்ட நபர்கள் பங்கேற்கின்றனர். போட்டியில் பங்கேற்க வருபவர்களுக்கு வரவேற்பு ,விருந்தோம்பல், கலை நிகழ்ச்சி, தங்கும் வசதி, உணவு உபசரித்தல் போக்குவரத்து பாதுகாப்பு நிறைவு விழா உள்ளிட்டவைகளை கவனிக்க தமிழக அரசு சார்பில் 18 குழுக்கல் அமைக்கப்பட்டுள்ளது. அவர்கள் தீவிரமாக கண்காணித்து போட்டிகளுக்கான ஏற்பாடுகளை செய்து வருகின்றன. இந்நிலையில் வரும் 28ஆம் தேதி தொடங்கும் செஸ் ஒலிம்பியாட் துவக்க விழாவில் பிரதமர் மோடி பங்கேற்க உள்ளார். சென்னை நேரு உள்விளையாட்டு அரங்கில் நடைபெறும் துவக்க விழாவில் பிரதமர் மோடி பங்கேற்பார் என்று கூறப்படுகின்றது.