86 நாடுகள் கலந்துகொண்டுள்ள 44வது சர்வதேச செஸ்ஒலிம்பியாட் போட்டியானது சென்னையை அடுத்த மாமல்லபுரத்தில் சென்ற மாதம் 28ம் தேதி கோலாகலமாக துவங்கியது. 11 சுற்றுகள் கொண்ட இப்போட்டியில் ஓபன் மற்றும் பெண்கள் பிரிவில் இந்தியா மொத்தம் 6 அணிகளை களமிறக்கி இருக்கிறது. இறுதிசுற்று ஆட்டங்கள் இன்று முடிவடைந்த சூழ்நிலையில் இந்திய அணி ஓபன் மற்றும் மகளிர் என 2 பிரிவுகளிலும் வெண்கல பதக்கம் வென்று அசத்தி இருக்கிறது.
மகளிர் பிரிவில் இந்தியா ஏ அணி தங்கப் பதக்கம் வெல்வதற்கான வாய்ப்புகள் இருந்த சூழ்நிலையில் நேற்று மற்றும் இன்றைய தோல்வி காரணமாக இந்திய அணி தங்கப்பதக்க வாய்ப்பை தவறவிட்டது. இன்று இந்திய ஏ அணியானது அமெரிக்காவிடம் தோல்வியடைந்த நிலையில் இந்தியாவுக்கு வெண்கலப் பதக்கம் கிடைத்தது. ஆடவர் பிரிவில் உஸ்பெகிஸ்தான் அணியானது தங்கம் வென்றுள்ளது. மகளிர் பிரிவில் உக்ரைன் அணி தங்கப் பதக்கமும், ஜார்ஜியா அணி வெள்ளிப் பதக்கத்தையும் கைப்பற்றியது.