“சேலத்தில் தனியார் துறை வேலைவாய்ப்பு முகாம்”…. இதோ உங்களுக்கான தகவல்….!!!!!

சேலத்தில் வருகின்ற 12ஆம் தேதி தனியார் துறை வேலைவாய்ப்பு முகாம் நடைபெறுகின்றது.

சேலம் மாவட்டத்தில் உள்ள கோரிமேட்டில் இருக்கும் மாவட்ட வேலைவாய்ப்பு அலுவலகத்தில் வரும் 12ஆம் தேதி காலை 10 மணி முதல் மதியம் 1 மணி வரை தனியார் துறை வேலைவாய்ப்பு முகாம் நடைபெறுகின்றது.

இம்முகாமிற்கு உற்பத்தி, தகவல் தொழில்நுட்பம், ஜவுளி, வங்கி சேவைகள், காப்பீடு, மருத்துவம், கட்டுமானம் உள்ளிட்ட முக்கிய துறைகளை சேர்ந்த பல்வேறு பகுதிகளில் இருக்கும் முன்னணி நிறுவனங்கள் தங்களின் காலி பணியிடங்களுக்கு பணியாளர்களை தேர்வு செய்ய இருக்கின்றனர்.

இதில் 8, 10 மற்றும் 12 ஆம் வகுப்பு, ஐடிஐ, டிப்ளமோ, பட்டப்படிப்பு, பொறியியல், செவிலியர், ஆசிரியர், தொழிற்கல்வி உள்ளிட்ட அனைத்து விதமான கல்வித் தகுதி உள்ளவர்களும் கலந்து கொண்டு பயன்பெறலாம் என மாவட்ட ஆட்சியர் கார்மேகம் வெளியிட்ட செய்திக்குறிப்பில் கூறியுள்ளார்.