சொத்து தகராறில் அண்ணன் தம்பிக்கு அரிவாள் வெட்டு விழுந்த சம்பவம் பரபரப்பை ஏற்படுத்தியுள்ளது.
கன்னியாகுமரி மாவட்டத்தில் உள்ள கருங்கல் அருகே பெருங்குழி பருத்திவிளை பகுதியில் ராஜேஷ் என்பவர் வசித்து வருகிறார். இதே பகுதியில் தங்கப்பன் என்பவரும் வசித்து வருகிறார். இவருக்கு செந்தில் என்ற மகன் இருக்கிறார். இந்நிலையில் ராஜேஷுக்கும் தங்கப்பனுக்கும் இடையில் சொத்து வாங்கியதில் தகராறு ஏற்பட்டுள்ளது. இதன் காரணமாக இருவருக்கும் இடையே முன்விரோதம் இருந்துள்ளது. இதற்கு பழிவாங்குவதற்காக செந்தில் தன்னுடைய உறவினரான தினேஷ் என்பவருடன் சேர்ந்து ராஜேஷை தகாத வார்த்தைகளால் பேசி திட்டியுள்ளனர்.
அதன்பிறகு இருவரும் சேர்ந்து ராஜேஷை அரிவாளால் சரமாரியாக வெட்டியுள்ளனர். இதை தடுக்க வந்த ராஜேஷின் தம்பி ரவிக்குமாரையும் அரிவாளால் பலமாக தாக்கியுள்ளனர். இதில் படுகாயமடைந்த இருவரையும் அருகில் இருந்தவர்கள் மீட்டு சிகிச்சைக்காக ஆசாரிபள்ளம் அரசு மருத்துவமனையில் அனுமதித்துள்ளனர். இதுகுறித்து ராஜேஷ் கருங்கல் காவல்நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.