தமிழ் சினிமாவில் முன்னணி காமெடி நடிகராக வலம் வருபவர் சூரி. இவர் நடிகர் சிவகார்த்திகேயனோடு இணைந்து செய்த காமெடிகள் ரசிகர்களிடம் நல்ல வரவேற்பை பெற்றது. தற்போது சூரி விருமன் படத்தில் நடித்த முடித்து இருக்கிறார். இந்த படத்தை இயக்குனர் முத்தையா இயக்கி கார்த்தி ஹீரோவாகவும், இயக்குனர் சங்கரின் மகள் அதிதி ஷங்கர் ஹீரோயினாகவும் நடித்துள்ளார். இந்தப் படம் சூர்யா தயாரிப்பில் ஆகஸ்ட் மாதம் 31ஆம் தேதி ரிலீசாக உள்ளது. இந்நிலையில் இந்த படத்தின் இசை வெளியீட்டு விழா சில தினங்களுக்கு முன் மதுரையில் நடைபெற்றது. இந்நிகழ்ச்சியில் சூரி கலந்து கொண்டு பேசிய போது, அகர அறக்கட்டளை குறித்து பேசினார். அப்போது ஆயிரம் கோவில் கட்டுவதை விட அன்னசத்திரத்தை விட ஒரு மாணவன் கல்வி வழங்குவது சிறந்தது என்று கூறினார். இதற்கு இந்து அமைப்புகள் கண்டனம் தெரிவித்தது.
அதனைத்தொடர்ந்து விருமன் படத்தின் சென்னை செய்தியாளர் சந்திப்பில் பேசிய அவர், “நான் எப்போதும் மீனாட்சி அம்மனை குறிப்பிட்டு தான் பேசுவேன். எனக்கு மீனாட்சி அம்மன் மிகவும் பிடிக்கும். நான் நடத்தும் ஹோட்டலுக்கு அம்மன் என்று தான் பெயர் வைத்துள்ளேன். என்னுடைய பேச்சு தவறாக புரிந்து கொள்ளப்பட்டது. நான் கோவிலுக்கு எதிரானவன் கிடையாது. நான் படிக்காதவன் அதன் முக்கியத்துவம் எனக்கு தெரியும்” என்று அவர் கூறினார். இந்நிலையில் நடிகர் சூரியின் ஒயிலாட்டம் வீடியோ சமூக வலைதளத்தில் வெளியாகி உள்ளது. அதாவது, தனது சொந்த ஊரான மதுரை மாவட்டம் ராஜகுறில் நடைபெற்ற கோவில் திருவிழாவில் கலந்து கொண்டார். அப்போது பெரியவர்கள் மற்றும் இளைஞர்களுடன் இணைந்து ஒயிலாட்டம் ஆடுகிறார். இந்த வீடியோ ரசிகர்கள் இணையதளத்தில் வைரலாக்கி வருகின்றனர்.
https://youtu.be/xWR0asm_kQA