இந்தியாவுக்குச் செல்லும் பெண்கள் மிகவும் பாதுகாப்பாக இருக்க வேண்டும் எனவும், முடிந்தால் இந்தியாவுக்கு செல்வதை தவிர்க்க வேண்டும் எனவும், அமெரிக்கா தனது நாட்டு மக்களுக்கு அறிவுறுத்தியுள்ளது.
அண்மைகாலமாக இந்தியாவில் பெண்களுக்கு எதிரான பாலியல் குற்றங்கள் அதிகரித்து வருகிறது. இந்நிலையில் அமெரிக்க அரசு தன்னாட்டு மக்களுக்கு இந்தியாவுக்கு செல்வதற்காக பாதுகாப்பு மற்றும் கட்டுப்பாட்டு வழிகாட்டுதல்களை வெளியிட்டுள்ளது.
அதன்படி இந்தியாவில் பாலியல் குற்றங்கள் அதிகரித்துள்ளதாக தகவல்கள் வெளியாகி வருவதால் இந்தியாவுக்கு தனியாக செல்வதை தவிர்க்கலாம் எனவும், அப்படியே இந்தியாவுக்குச் சென்றால் பெண்கள் மிகுந்த எச்சரிக்கையுடனும், பாதுகாப்புடனும் இருக்க வேண்டும் என்றும் அறிவுறுத்தியுள்ளது.
இதே போல் பாகிஸ்தானில் தீவிரவாத செயல்கள் அதிகரித்து இருப்பதால் அந்த நாட்டுக்கும் செல்ல வேண்டாம் எனவும் அமெரிக்கா தன் நாட்டு மக்களுக்கு அறிவுறுத்தியுள்ளது.