நடிகர் தனுஷ் ஜகமே தந்திரம் படம் குறித்து தனது சமூக வலைதளப் பக்கத்தில் பதிவு ஒன்றை வெளியிட்டுள்ளார்.
தமிழ் திரையுலகில் நட்சத்திர நாயகனாக வலம் வரும் தனுஷ் நடிப்பில் உருவாகியுள்ள திரைப்படம் ஜகமே தந்திரம். இயக்குனர் கார்த்திக் சுப்புராஜ் இயக்கியுள்ள இந்த படத்தில் ஐஸ்வர்ய லட்சுமி, கலையரசன், ஜோஜு ஜார்ஜ், ஜேம்ஸ் காஸ்மோ உள்ளிட்ட பலர் நடித்துள்ளனர். ஒய் நாட் ஸ்டூடியோஸ் நிறுவனம் தயாரித்துள்ள இந்த படத்திற்கு சந்தோஷ் நாராயணன் இசையமைத்துள்ளார். இந்த படத்தின் டிரைலர் இன்று வெளியாகி ரசிகர்களிடையே நல்ல வரவேற்பை பெற்று வருகிறது. மேலும் இந்த படம் வருகிற ஜூன் 18-ஆம் தேதி நெட்பிளிக்ஸில் வெளியாக உள்ளது .
இந்நிலையில் ஜகமே தந்திரம் படம் குறித்து நடிகர் தனுஷ் தனது சமூக வலைதளப் பக்கத்தில் பதிவு ஒன்றை வெளியிட்டுள்ளார். அதில் ‘ஒரு அற்புதமான தியேட்டர் அனுபவமாக இருந்திருக்க வேண்டிய படம் நெட்ப்ளிக்ஸுக்கு வருகிறது. இருந்தாலும் நீங்கள் அனைவரும் ஜகமே தந்திரம் மற்றும் சுருளியை என்ஜாய் பண்ணுவீர்கள் என நம்புகிறேன்’ என பதிவிட்டுள்ளார். தற்போது அவரின் இந்த பதிவு இணையத்தில் வைரலாகி வருகிறது.