இந்தியாவில் உருமாறிய கொரோனா பரவல் காரணமாக நிறுத்தி வைக்கப்பட்டிருந்த விமான சேவை ஜனவரி 8 முதல் மீண்டும் தொடங்கும் என அறிவித்துள்ளது.
சீனாவில் தோன்றிய கொரோனா தொற்று, தற்போது உலக நாடுகள் முழுவதிலும் பரவி அனைவரையும் ஆட்டிப் படைத்துக் கொண்டிருக்கிறது. அதனால் தற்போது வரை ஏராளமான உயிரிழப்புகள் ஏற்பட்டுள்ளன. அதற்கு எதிரான தடுப்பூசி கண்டறியும் முயற்சியில் உலக நாடுகள் அனைத்தும் தீவிரம் காட்டி வருகின்றன. சில நாடுகளில் கொரோனா தடுப்பு ஊசி இறுதிகட்ட பரிசோதனையை எட்டியுள்ளது. இருந்தாலும் சில நாடுகளில் கொரோனா வின் தாக்கம் இன்னும் குறையாமல் நாளுக்கு நாள் அதிகரித்துக் கொண்டே வருகிறது.
இந்நிலையில் பிரிட்டனில் உருமாறிய கொரோனா வைரஸால் உலக நாடுகள் அனைத்தும் அச்சமடைந்துள்ளனர். உருமாறிய கொரோனா காரணமாக பிரிட்டனில் இருந்து இந்தியா வந்தவர்களை தனிமைப்படுத்தும் பணி தீவிரமாக நடந்து கொண்டிருக்கிறது. இதனை அடுத்து உருமாறிய கொரோனா காரணமாக இந்தியா மற்றும் பிரிட்டன் இடையேயான விமான சேவை நிறுத்தி வைக்கப்பட்டுள்ளது.
தற்போது ஜனவரி 8ஆம் தேதி முதல் மீண்டும் விற்பனைக்கு விமான சேவை தொடங்கும் என சிவில் விமான போக்குவரத்து துறை அறிவித்துள்ளது. அதன்படி டெல்லி, மும்பை, பெங்களூரு மற்றும் ஐதராபாத்தில் இருந்து பிரிட்டனுக்கு விமானங்கள் இயக்கப்படும். மேலும் ஜனவரி 23ஆம் தேதி வரை வாரத்திற்கு 15 விமானங்கள் மட்டுமே இயக்க வேண்டும் என கட்டுப்பாடு விதித்துள்ளது.