ஜம்மு காஷ்மீரில் பயங்கரவாதிகள் துப்பாக்கி சூடு தாக்குதல் நடத்தியதால் பாதுகாப்பு படையினர் பயங்கரவாதிகள் மூன்று பேரை சுட்டுக் கொன்றனர்.
ஜம்மு காஷ்மீரில் உள்ள சோபியான் மாவட்டத்தில் உள்ள சுகன் ஜைனபோரா என்ற பகுதியில் பயங்கரவாதிகள் ஆயுதங்களுடன் சுற்றித் திரிவதாக பாதுகாப்பு படையினருக்கு ரகசிய தகவல் கிடைத்துள்ளது. தகவலின்பேரில் காவல்துறையினர் மற்றும் பாதுகாப்பு படையினர் அனைவரும் இன்று காலை அப்பகுதி முழுவதும் தீவிர தேடுதல் வேட்டையில் ஈடுபட்டு கொண்டிருந்தனர்.அச்சமயத்தில் பயங்கரவாதிகள் பாதுகாப்பு படையினரை நோக்கி துப்பாக்கி சூடு தாக்குதல் நடத்தியுள்ளனர்.
பயங்கரவாதிகளுக்கு எதிராக பாதுகாப்பு படையினரும் பதிலடி கொடுத்தனர். நீண்ட நேரமாக நீடித்த அந்த மோதலில் பயங்கரவாதிகள் 3 பேரை பாதுகாப்பு படையினர் துப்பாக்கியால் சுட்டு வீழ்த்தினர். அதன் பிறகு பயங்கரவாதிகள் பயன்படுத்திய துப்பாக்கிகளை கைப்பற்றினர். இதனைத் தொடர்ந்து பாதுகாப்பு படையினரின் தேடுதல் வேட்டை முடிவு பெற்றது.