ஜல்லிக்கட்டு போட்டியில் கலந்து கொண்ட வாலிபர் உயிரிழந்த சம்பவம் சோகத்தை ஏற்படுத்தியுள்ளது.
புதுக்கோட்டை மாவட்டத்தில் உள்ள மேலபச்சக்குடி கிராமத்தில் தேன்மொழி என்பவர் வசித்து வருகிறார். இவருக்கு நாகர்ஜுன் என்ற மகன் இருந்துள்ளார். கடந்த 16-ஆம் தேதி விராலிமலை பட்டமரத்தான் கோவில் சார்பில் ஜல்லிக்கட்டு போட்டி நடைபெற்றுள்ளது. இதில் காளையை அடக்க முயன்ற போது நாகர்ஜுன் படுகாயமடைந்து உயிருக்கு போராடிக் கொண்டிருந்தார்.
இதனையடுத்து அருகில் இருந்தவர்கள் உடனடியாக அவரை மீட்டு மருத்துவமனையில் சிகிச்சைக்காக அனுமதித்தனர். ஆனால் அங்கு சிகிச்சை பலனின்றி நாகர்ஜுன் நேற்று முன்தினம் இறந்தார். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.