மத்திய அரசு ஊழியர்களுக்கு ஒரு மகிழ்ச்சியான செய்தி இருக்கிறது. முன்பாக அகவிலைப்படியை 4 % உயர்த்திய அரசு, இப்போது வேரியபிள் அகவிலைப்படியையும் அதிகரித்துள்ளது. மத்திய அரசு ஊழியர்களுக்கு முதலாவதாக நவராத்திரி பரிசாக அகவிலைப்படியில் அதிகரிப்பு கிடைத்தது. அரசு இப்போது தீபாவளி பரிசை வழங்க திட்டமிட்டு இருக்கிறது. ஊழியர்களுக்கு செப்டம்பர் மாதம் சம்பளத்தில் 4% அகவிலைப்படி மற்றும் DA நிலுவைத்தொகை கிடைத்திருக்கிறது. இப்போது மத்திய அரசின் மற்றஊழியர்களுக்கு வழங்கப்படும் வேரியபிள் அகவிலைப்படியும் உயர்த்தப்பட்டுள்ளது.
மத்திய தொழிலாளர் மற்றும் வேலைவாய்ப்பு அமைச்சகமானது, இந்திய அரசின் மத்திய ஊழியர்களுக்கான (விவசாயம்) வேரியபிள் அகவிலைப்படியை அதிகரித்துள்ளது. தற்போது இந்த மத்திய ஊழியர்களுக்கு மாதந்தோறும் மாறுபடும் அகவிலைப்படி (Variable Dearness Allowance) கிடைக்கும். அக்டோபர் 1, 2022 முதல் அரசாங்கத்தின் இம்முடிவின் பலனை ஊழியர்கள் பெறுவார்கள் என்பது குறிப்பிடத்தக்கது. இதுகுறித்த அறிவிப்பை தொழிலாளர் அமைச்சகம் வெளியிட்டுள்ளது. மத்திய அரசின் ஜனவரி 19, 2017 தேதியிட்ட அறிவிப்பை மனதில்கொண்டு, வேரியபிள் அகவிலைப்படி உயர்த்தப்பட்டு இருப்பதாக அந்த அறிவிப்பில் எழுதப்பட்டுள்ளது.
எந்த அடிப்படையில் வேரியபிள் அகவிலைப்படியானது எவ்வளவு அதிகரித்து உள்ளது..?
வேரியபிள் DA அதிகரிக்கப்பட்ட பின், அடிப்படை விலைகள் மற்றும் VDA போன்றவற்றைச் சேர்த்து, விவசாய ஊழியர்கள் அக்டோபர் 1, 2022 முதல் பம்பர் லாபத்தைப் பெறுவர். கீழே கொடுக்கப்பட்டுள்ள அட்டவணையின் அடிப்படையில், நகர வாரியாக VDA வழங்கப்படும்.
குறைந்தபட்சம் ஊதிய ஆலோசனைக் குழுவின் முடிவுக்கு பின், அடுத்த உயர் ரூபாய் கணக்கில் (next higher rupee) VDA கணக்கிடப்படும்.