நாடு முழுவதும் பெட்ரோல் மற்றும் டீசல் விலை வரலாறு காணாத அளவிற்கு உயர்ந்து கொண்டே செல்கிறது. அதனால் அவற்றை ஜிஎஸ்டி வரி வரம்பில் கொண்டு வர வேண்டும் என்று நீண்ட நாட்களாக கோரிக்கை எழுந்து வருகிறது. ஆனால் அவ்வாறு செய்தால் மத்திய மாநில அரசுகளுக்கு பெரும் வருவாய் இழப்பு ஏற்படும் என்பதால், இதுகுறித்து எந்த ஒரு முடிவும் எடுக்கப்படாமல் இருந்தது.
இந்நிலையில் லக்னோவில் நாளை நடைபெறும் ஜிஎஸ்டி கவுன்சில் கூட்டத்தில், பெட்ரோல் மற்றும் டீசலை ஜிஎஸ்டி நடைமுறைக்கு கொண்டு வருவது குறித்து மத்திய அரசு பரிசீலிக்க உள்ளதாக தகவல் வெளியாகியுள்ளது. அவ்வாறு பெட்ரோல் மற்றும் டீசலை ஜிஎஸ்டி கொண்டுவரும் பட்சத்தில் பெட்ரோல் விலை 75 ரூபாயாகவும், டீசல் விலை அறுபத்தி எட்டு ரூபாயாகவும் குறையும் என எஸ்பிஐ ரிசர்ச் நிறுவனம் கணித்துள்ளது. இதற்கு சில மாநில அரசுகள் எதிர்ப்பு தெரிவித்து வருகின்றன.