ரிலையன்ஸ் ஜியோ நிறுவனமானது அதன் வாடிக்கையாளர்களுக்கு அதிரடி ஆன பல்வேறு சலுகைகளை வழங்கிவரும் நிலையில், இப்போது விலை மலிவான லேப்டாப்பை அறிமுகப்படுத்தி உள்ளது. லேப்டாப்பின் சிறப்பு அம்சங்கள் மற்றும் விலை அரசு இ-மார்க்கெட் பிளேஸ் போர்ட்டலில் பட்டியலிடப்பட்டு இருக்கிறது. ஜியோ குவால்காம் ஸ்னாப் டிராகன் 665 11.6 இன்ச் நெட்புக் என்று பட்டியலிடப்பட்டுள்ள இந்த லேப்டாப்பின் விலையானது ரூபாய்.19,500 ஆகும். ஜியோவினுடைய இந்த லேப்டாப் ஆனது முன்னதாகவே சந்தையில் விற்பனைக்கு வந்தபோதிலும் இதை அனைத்து மக்களாலும் வாங்கமுடியாத சூழ்நிலை இருந்தது.
ஏனென்றால் அரசாங்கத் துறைகள் மட்டுமே GeM போர்ட்டல் வழியே ஷாப்பிங் செய்ய இயலும். இதன் காரணமாக இதனை மற்றவர்களால் வாங்கமுடியாமல் போனது. ஆனால் தற்போது இந்த லேப்டாப் அனைவருக்கும் கிடைக்கும் அடிப்படையில் வரப் போகிறது. தீபாவளி பண்டிகை நேரத்தில் இது அனைவருக்கும் கிடைக்கும் விதமாக விற்பனைக்கு வரும் என எதிர்பார்க்கப்படுகிறது. அரசாங்க இ-மார்க்கெட் பிளேஸ் இணையத்தில் இந்த லேப்டாப்பின் விபரங்கள் குறிப்பிடப்பட்டுள்ள படி, குவால்கம் ஸ்னாப்ட்ராகன் 665 ஆக்டா-கோர் வாயிலாக இயக்கப்படுகிறது, மெட்டாலிக் ஹிங்கிஸ் இருக்கிறது மற்றும் சாஸ்ஸிஸ் ஏபிஎஸ் பிளாஸ்டிக்கால் உருவானது. இந்த jio Laptop 2gp எல்பிடிடிஆர் 4 எக்ஸ் ரேம் கொண்டு இருக்கிறது. அத்துடன் ரேம் 32ஜிபி இஎம்எம்சி ஸ்டோரேஜுடன் இணைக்கப்பட்டு இருக்கிறது.
டிஸ்ப்ளேவை பொறுத்தவரையிலும் 11.6 இன்ச் ஹெச்டி எல்இடி பேக்லிட் ஆன்டி-க்ளேர் டிஸ்ப்ளே மற்றும் 1366×768 பிக்சல்கள் ரிசல்யூஷனை கொண்டு உள்ளது. யூஎஸ்பி 2.0 போர்ட், யூஎஸ்பி 3.0 போர்ட் மற்றும் ஹெச்டிஎம்ஐ போன்ற போர்ட்கள் உடன் வருகிறது. இருப்பினும் இந்த லேப்டாப்பில் யூஎஸ்பி டைப்-சி போர்ட்கள் இல்லை. அதே நேரம் மைக்ரோ எஸ்டி கார்டு ஸ்லாட் இருக்கிறது. இவற்றில் புளூடூத் 5.2 வெர்ஷனுடன் வருகிறது மற்றும் வயர்லெஸ் இணைப்பு வைபை 802.11ac ஆல் ஆதரிக்கப்படுகிறது. அதுமட்டுமின்றி இந்த லேப்டாப்பில் 4G மொபைல் பிராட்பேண்ட் இணைப்பு, 2 ஸ்பீக்கர்கள் மற்றும் 2 மைக்ரோபோன்களுடன் வருகிறது. ஒருவருட உத்திரவாதத்துடன் கூடிய இந்த லேப்டாப் 55.1-60Ah பேட்டரி திறனுடன் 8 மணிநேர பேக்கப் கிடைக்கிறது மற்றும் இதன் மொத்தஎடை 1.2 கிலோவாகும்.