ஜி.வி.பிரகாஷ் நடிப்பில் உருவாகியுள்ள அடங்காதே படத்தின் புதிய பாடல் வீடியோ வெளியாகியுள்ளது .
தமிழ் திரையுலகில் முன்னணி இசையமைப்பாளராக வலம் வரும் ஜி.வி.பிரகாஷ் பல படங்களில் ஹீரோவாகவும் நடித்து அசத்தி வருகிறார். கடைசியாக இவர் நடிப்பில் வெளியான வணக்கம்டா மாப்ள படம் நல்ல வரவேற்பை பெற்றது. தற்போது இவர் ஜெயில், ஆயிரம் ஜென்மங்கள், ஐங்கரன், அடங்காதே, இடிமுழக்கம் போன்ற பல படங்களை கைவசம் வைத்துள்ளார். இதில் அடங்காதே படத்தை சண்முகம் முத்துசாமி இயக்கியுள்ளார்.
இந்த படத்தில் சுரபி கதாநாயகியாக நடித்துள்ளார் மேலும் யோகி பாபு, தம்பி ராமையா, சரத்குமார், மந்த்ரா பேடி உள்ளிட்ட பலர் முக்கிய கதாபாத்திரங்களில் நடித்துள்ளனர். இந்த படத்திற்கு ஜி.வி.பிரகாஷ் இசையமைத்துள்ளார். இந்நிலையில் அடங்காதே படத்தில் இடம்பெற்ற ‘நீயின்றி நானா’ என்கிற அழகிய பாடல் வீடியோ வெளியாகி ரசிகர்களை கவர்ந்து வருகிறது.