டிரைக்டர் சந்தோஷ் ராஜன் எழுதி இயக்கியிருக்கும் படம் “வரலாறு முக்கியம்”. இப்படத்தில் நடிகர் ஜீவா முக்கியமான கதாபாத்திரத்தில் நடித்து இருக்கிறார். நடிகை காஷ்மீரா பர்தேஷி கதாநாயகியாக நடிக்கும் இந்த படத்தில் பிரக்யா நாகரா, வி.டி.வி கணேஷ், கே.எஸ்.ரவிக் குமார், மலையாள நடிகர் சித்திக், சரண்யா பொன்வண்ணன், சாரா, லொள்ளு சபா சுவாமிநாதன், மொட்ட ராஜேந்திரன், லொள்ளு சபா மனோகர், காளி ராஜ் குமார், ஆதிரை மற்றும் சில முன்னணி நடிகர்கள் முக்கியமான கதாபாத்திரத்தில் நடித்து உள்ளனர்.
சூப்பர்குட் பிலிம்ஸ் சார்பாக தயாரிப்பாளர் ஆர்.பி.சௌத்திரி தயாரித்திருக்கும் இந்த படத்திற்கு “ஜிமிக்கி கம்மல்” பாடல் புகழ் ஷான் ரகுமான் இசை அமைக்கிறார். அண்மையில் இப்படத்தின் பாடல்கள் வெளியாகி நல்ல வரவேற்பை பெற்றது. இந்த நிலையில் இப்படத்தின் டிரைலர் வெளியாகி சமூகவலைதளத்தில் வைரலாகி வருகிறது. அத்துடன் வரலாறு முக்கியம் படம் வருகிற டிசம்பர் 9ம் தேதி திரையரங்குகளில் வெளியாக இருக்கிறது என்பது குறிப்பிடத்தக்கது.
