நடிகர் வெற்றி நடிக்கும் “ஜீவி 2” திரைப்படத்தின் படப்பிடிப்பானது இன்று தொடங்கியுள்ளது.
சென்ற 2019 ஆம் வருடம் வெற்றி நடித்த “ஜீவி” திரைப்படத்தை விஜே கோபிநாத் இயக்கியிருந்தார். இத்திரைப்படமானது விமர்சன ரீதியாக நல்ல வரவேற்பு பெற்றது. இப்படத்தில் நடித்த நடிகர் வெற்றிக்கு வாழ்த்துக்கள் குவிந்தன. இப்படமானது சர்வதேச அளவில் பல விருதுகளை பெற்று இருக்கின்றது. இத்திரைப்படத்தின் இரண்டாவது பாகம் வெளியாகும் என சமூக வலைதளங்களில் கூறப்பட்டு வந்தது. இதனைத்தொடர்ந்து நடிகர் வெற்றியும் இதுகுறித்த தகவல் கூடிய விரைவில் அதிகாரபூர்வமாக வெளியாகும் என கூறியிருந்தார்.
இந்நிலையில் “ஜீவி 2” திரைப்படத்தின் படப்பிடிப்பு இன்று தொடங்கியுள்ளதாக படக்குழு அறிவித்திருக்கின்றது. இப்படத்தின் போஸ்டரை படக்குழு வெளியிட்டிருக்கின்றது. ஜீவி படத்தில் வெற்றி ஹீரோவாக நடித்துள்ளார். சுந்தரமூர்த்தி இசையமைத்துள்ளார் மற்றும் விஜே கோபிநாத் இயக்கியுள்ளார். ஜிவி படத்தில் இருந்த அதே கூட்டணியே தற்போது ஜிவி 2 திரைப்படத்திலும் தொடர்கின்றது. ஜீவி 2 திரைப்படத்திற்காக ரசிகர்கள் ஆர்வத்துடன் எதிர்பார்த்து வந்தநிலையில் தற்போது இந்தசெய்தி வெளியாகி உள்ளது. இதை ரசிகர்கள் இணையத்தில் கொண்டாடி வருகின்றனர்.