ஜெயிலர் படத்தின் படப்பிடிப்பு குறித்து செய்தியாளர்கள் கேட்ட கேள்விக்கு ரஜினி பதில் அளித்துள்ளார்.
தமிழ் சினிமா உலகில் ஒரு சில படங்களை மட்டுமே இயக்கி பிரபல இயக்குனராக வலம் வருகின்றார் நெல்சன் தீலீப்குமார். இவர் இயக்கத்தில் விஜய் நடிப்பில் அண்மையில் வெளியான பீஸ்ட் திரைப்படம் கலவையான விமர்சனங்களை பெற்றாலும் வசூலில் சாதனை படைத்தது. நெல்சன் தற்போது ரஜினியின் தலைவர் 169-வது திரைப்படத்தை இயக்குகிறார். இத்திரைப்படத்தை சன் பிக்சர்ஸ் தயாரிக்க அனிருத் இசையமைக்கின்றார். இதனால் ரசிகர்களிடையே படம் குறித்த எதிர்பார்ப்பினை அதிகரிக்க செய்திருக்கின்றது.
இத்திரைப்படத்திற்கு ஜெயிலர் என பெயர் வைக்கப்பட்டுள்ளது. இத்திரைப்படத்தில் ரஜினிகாந்த் உடன் ஐஸ்வர்யா ராய், ரம்யா கிருஷ்ணன், பிரியங்கா மோகன், சிவராஜ்குமார் ஆகியோர் நடிக்க உள்ளதாக செய்தி பரவி வருகின்றது. இந்த நிலையில் ஆளுநரை மரியாதை நிமித்தமாக ரஜினிகாந்த் சந்தித்தார். அதன் பின்னர் செய்தியாளர்களே சந்தித்த பொழுது ஜெயிலர் திரைப்படம் குறித்து கேள்வி கேட்கப்பட்டது. அதற்கு ரஜினி கூறியுள்ளதாவது, வரும் 15 அல்லது 22ஆம் தேதி படபிடிப்பு கலந்து கொள்வேன் என கூறியுள்ளார் இதை கேட்ட ரசிகர்கள் உற்சாகத்தில் உள்ளனர்.