ஜெய் பீம் திரைப்படம் எந்த அங்கீகாரத்திற்கும், பாராட்டுக்கும் தகுதியானது அல்ல. இந்த படத்திற்கு எந்த ஒரு விருதோ, அங்கீகாரமோ, பாராட்டோ வழங்க வேண்டாம் என்று வன்னியர் சங்கம் தெரிவித்துள்ளது. ஜெய்பீம் திரைப்படத்தில் வன்னியர் சமுதாயத்தை இழிவுபடுத்தி விட்டதாக சர்ச்சை எழுந்துள்ளது. நடிகர் சூர்யா எங்கும் நடமாட முடியாது என்று மிரட்டலும் விடுக்கப்பட்டது. அதுமட்டுமல்லாமல் சூர்யா, ஜோதிகா உள்ளிட்டோருக்கு வன்னியர் சங்கம் நோட்டீஸ் அனுப்பியது.
இதையடுத்து அவருக்கு துப்பாக்கி ஏந்திய காவல்துறையினர் பாதுகாப்பு பணியில் ஈடுபடுத்தப்பட்டுள்ளனர். அதேசமயம் சூர்யாவுக்கு பலரும் தங்கள் ஆதரவை செலுத்தி வருகின்றனர். இந்நிலையில் வன்னியர் சமுதாயத்தை இழிவுபடுத்தும் நோக்கில் ஜெய் பீம் திரைப்படம் வேண்டும் என்றே தயாரிக்கப்பட்டது எனவும் வன்னியர்களுக்கும் பிற சமுதாயத்தினருக்கும் இடையே வகுப்புவாத கலவரத்தை உருவாக்கும் நோக்கத்தில் வேண்டும் என்று சில காட்சிகள் இந்த திரைப்படத்தில் வைக்கப்பட்டுள்ளன என வன்னியர் சங்கம் குற்றம் சாட்டியுள்ளது.
இது தமிழகத்தில் பரபரப்பை ஏற்படுத்தியுள்ளது. அதுமட்டுமல்லாமல் படத்தில் வேண்டுமென்றே எழுதப்பட்ட சர்ச்சைக்குரிய காட்சிகள் தொடர்பாக பல்வேறு வழக்குகள் தொடரப்பட்டுள்ளன. எனவே ஜெய்பீம் படத்திற்கு எந்த வித ஊக்குவிப்போ வழங்க பரிசீலிக்க கூடாது என்று மத்திய அரசுக்கு வன்னியர் சங்கம் வலியுறுத்தி கடிதம் எழுதியுள்ளது.