உத்திரபிரதேசம் மாநிலம் பராபங்கி என்ற மாவட்டத்திற்கு அருகே பூர்வாஞ்சல் அதிவிரைவு சாலையில் இரண்டு டபுள் டக்கர் பேருந்துகள் மோதி இன்று காலை விபத்துக்குள்ளானது. அந்த கோர விபத்தில் எட்டு பேர் சம்பவ இடத்திலேயே பரிதாபமாக உயிரிழந்தனர். 16 பேர் படுகாயம் அடைந்த நிலையில் மருத்துவமனையில் சிகிச்சைக்காக அனுமதிக்கப்பட்டுள்ளதாக போலீசார் தெரிவித்துள்ளனர்.
நரேந்திரபூர் மதராசா கிராமத்திற்கு அருகே பிகாரின் சித்தமர்ஷிரில் இருந்து வந்த பேருந்து டெல்லியை சேர்ந்த பேருந்தின் மீது மோதி விபத்துக்குள்ளானது. இதனைத் தொடர்ந்து உயிரிழந்தவர்களை அடையாளம் காணும் பணி நடைபெற்று வருகிறது. காயமடைந்தவர்கள் அருகில் உள்ள மருத்துவமனையில் சிகிச்சைக்காக அனுமதிக்கப்பட்டுள்ளனர். மேலும் விபத்தில் உயிரிழந்தவர்களுக்கு உத்திரபிரதேச முதல்வர் யோகி ஆதித்யநாத் இரங்கல் தெரிவித்துள்ளார்.