குக் வித் கோமாளி பிரபலம் சிவாங்கி பிரபல நடிகரின் படத்தில் இணைந்துள்ளதாக தகவல் வெளியாகியுள்ளது.
விஜய் தொலைக்காட்சியில் ஒளிபரப்பான சூப்பர் சிங்கர் நிகழ்ச்சி மூலம் பிரபலமடைந்தவர் சிவாங்கி. இதைத் தொடர்ந்து இவர் குக் வித் கோமாளி நிகழ்ச்சியில் கோமாளியாக வந்து கலக்கினார். கடந்த சில மாதங்களாக இந்த நிகழ்ச்சியின் இரண்டாவது சீசன் கலகலப்பாக நடைபெற்று வந்தது. இதில் போட்டியாளராக கலந்து கொண்ட அஸ்வினும் கோமாளியாக வந்த சிவாங்கியும் சேர்ந்து செய்யும் ரகளைகள் ரசிக்கும் வகையில் இருந்தது. சமீபத்தில் இரண்டாவது சீசன் வெற்றிகரமாக நிறைவடைந்தது .
இந்த நிகழ்ச்சி மூலம் ஏராளமான ரசிகர்கள் மனதில் இடம் பிடித்த சிவாங்கிக்கு படத்தில் நடிக்கும் வாய்ப்பு கிடைத்தது. அந்த வகையில் தற்போது சிவகார்த்திகேயன் நடிப்பில் உருவாகிவரும் டான் படத்தில் சிவாங்கி நடித்து வருகிறார். இந்நிலையில் இயக்குனர் அருண்ராஜா காமராஜ் இயக்கத்தில் நடிகர் உதயநிதி ஸ்டாலின் நடிப்பில் உருவாக உள்ள படத்தில் சிவாங்கி இணைந்துள்ளதாக தகவல் வெளியாகியுள்ளது.